ផ្លែចេក សំបូរទៅដោយសារធាតុចិញ្ចឹម មាន ដូចជា វីតាមីន B6   វីតាមីន C ជាតិ សរសៃ (Fibre) ប៉ូតាស្យូម ប្រូតេអ៊ីន សារជាតិដែក ម៉ាញេស្យូម និង សារធាតុបន្ទាប់បន្សំផ្សេងទៀត។ 

ព្រោះអត្ថប្រយោជន៍ដ៏ច្រើនសន្ធឹកសន្ធាប់នេះហើយ ទើបធ្វើអោយផ្លែចេកមានសមត្ថភាពខ្ពស់ ជួយទ្រទ្រង់សុខភាពមនុស្សយើង ថែមទាំងអាចជួយព្យាបាលជំងឺមួយចំនួនទៀតផង។

·       អត្ថប្រយោជន៍នៃផ្លែចេកចំពោះសុខភាព

• ប្រសិនជាអ្នកមានជំងឺខ្វះឈាម ចូរទទួលទានផ្លែចេក ដើម្បីផ្ដល់ជាថាមពល និងជួយអោយឈាមអ្នកគ្រប់ចំនួនឡើងវិញ។
• ប្រសិនបើអ្នកមានបញ្ហាភ្នែក ភ្នែកស្ងួត លោកអ្នកអាចទទួលទានផ្លែចេកដើម្បីជួយធ្វើអោយភ្នែកភ្លឺ និងពង្រឹងប្រព័ន្ធចក្ខុប្រសាទ
• ផ្លែចេក នឹងអាចជួយរាងកាយអ្នកឆាប់ស្រូបយកកាល់ស្យូមបាន។ ដូចនេះ ឆ្អឹងអ្នកនឹងមានភាពរឹងមាំផងដែរ។
• ពិសារផ្លែចេក១ផ្លែរៀងរាល់ថ្ងៃ អាចជួយបង្ការជំងឺផ្សេងៗ និងជំងឺមហារីក។
• ជួយដុតរំលាយជាតិខ្លាញ់ និង កាត់បន្ថយហានីភ័យនៃការលើសជាតិខ្លាញ់នៅក្នុងរាងកាយ ដោយពិសារផ្លែចេកជាប្រចាំ។
• ក្រោយពេលដែលអ្នកពិសារចេករួច វានឹងអាចជួយបំបាត់អារម្មណ៍នឿយហត់។ ម្យ៉ាងទៀត បើអ្នកតែងឈឺសាច់ដុំក្រោយហាត់ប្រាណរួច អ្នកក៏អាចញ៉ាំចេកនេះដែរ នោះវានឹងអាចធ្វើឲ្យអ្នកបាត់នូវអាការៈឈឺទាំងនោះ។
• ពិសារផ្លែចេក ជួយកាត់បន្ថយស្ត្រេស ធ្វើអោយអារម្មណ៍ស្រស់ស្រាយ។
• ផ្លែចេក មានផ្ទុកសារធាតុដែលអាចជួយបញ្ចុះសម្ពាធឈាមអោយនៅកម្រិតធម្មតា។
• ជាតិស្ករក្នុងរាងកាយអ្នកនឹងមានលំនឹងក្រោយពេលដែលអ្នកពិសារចេកចំនួនមួយផ្លែក្នុងមួយថ្ងៃ។នៅពេលដែល អ្នកពិសារផ្លែចេកចំនួនមួយផ្លែ ធ្វើអោយរាងកាយរបស់លោកអ្នក អាចបញ្ចេញជាតិពុលចេញមកក្រៅតាមរយៈការបន្ទោបង់ ជួយដល់ប្រព័ន្ធរំលាយអាហារ ធ្វើអោយក្រពះពោះវៀនមានសុខភាពល្អ មិនងាយកើតបញ្ហាអ្វីឡើយ ថែមទាំងអាចជួយរក្សាទំងន់បានទៀតផង។