ងប់ ជាឈ្មោះឈើតូចមួយប្រភេទ ស្លឹកក្រពុល។ ស្លឹកប្រើជាថ្នាំស្រឡាបរំងាប់ចំហាយគ្រុនក្តៅ ឬធ្វើជាបន្លែស្លស្រឡក់ក៏បាន។ អ្នកខ្លះហៅថា ដើមឡេវអាវ ព្រោះមានផ្កា និងផ្លែ សណ្ឋានដូចឡេវអាវ។ ងប់ មានឈ្មោះវិទ្យាសាស្ត្រថា Sauropus androgynus។

ស្លឹកងប់ មានផ្ទុកនូវសារធាតុចិញ្ចឹមជាច្រើនដូចជា ប្រូតេអីន កាកសរសៃ វីតាមីន A B C K ជាតិខ្លាញ់ កាល់ស្យូម ជាតិដែក ប៉ូតាស្យូម​ ផូស្វ័រ និងម៉ងហ្គាណេស ហើយសូម្បីតែក្លរ៉ូភីល ក៏មាននៅក្នុងស្លឹកងប់នេះដែរ។ សារធាតុចិញ្ចឹមទាំងអស់នេះ សុទ្ធតែចាំបាច់សម្រាប់រាងកាយមនុស្សយើង។

១. ល្អសម្រាប់ស្ត្រីមានផ្ទៃពោះ ស្លឹកងប់មានសមាសធាតុគីមី ​មានលក្ខណៈសម្បត្តិជាឱសថ។ ​វាមានសមាសធាតុគីមីចំនួនប្រាំពីរ ដែលរំញោចកំណើននៃអរម៉ូនស្តេរ៉ូអ៊ីត (អ័រម៉ូន progesterone, អ័រម៉ូន testosterone, អ័រម៉ូន estradiol និង glukokortiroid) និងសមាសធាតុ eicosanoid

២. ​ស្ត្រីមានផ្ទៃពោះទទួលទានស្លឹកងប់ ​នឹងមានសុខភាពល្អសម្រាប់ស្បែក​។ ស្បែកប្រែជារលោង ឯសក់មានសុខភាពល្អនិងទន់រលោង។ ​ការបរិភោគស្លឹកងប់ អាចជាវិធីដ៏ល្អបំផុតសម្រាប់ភាពស្រស់ស្អាតនិងសុខភាពល្អនៅអំឡុងពេលមានផ្ទៃពោះ។

៣. ក្រុមអ្នកស្រាវជ្រាវបានប៉ាន់ស្មានថាសារធាតុគីមីដែលមាននៅក្នុងស្លឹកងប់ ​មានលក្ខណៈសម្បត្តិអ័រម៉ូនអេស្ត្រូសែន ដែលជួយបង្កើនបរិមាណទឹកដោះ ។ វាមានប្រសិទ្ធភាព​សម្រាប់ម្តាយដែលកំពុងបំបៅកូនដោយទឹកដោះ។ សមាសធាតុប្រេងសំខាន់ៗមានដូចជា ​saponin, flavooid, tannins, triterpenoids) អាស៊ីតអាមីណូ វីតាមីននិងសារធាតុរ៉ែ ក៏ដូចជាសមាសធាតុ​ចំនួន៧ ផ្សេងទៀត​។

៤. សម្រាប់អ័រម៉ូន៖ ការបរិភោគស្លឹកងប់ ត្រូវបានផ្តល់អនុសាសន៍​សម្រាប់គូស្វាម៉ីភរិយាដែលចង់មានកូន ជាពិសេសសម្រាប់បុរស។ ការពិសារស្លឹកងប់ ជារៀងរាល់ថ្ងៃនឹងបង្កើនគុណភាព និងបរិមាណមេជីវិតឈ្មោល ពិសេសនោះ គឺមានភាពក្លៀវក្លា​។

៥. ស្លឹកងប់ជួយបង្ការជំងឺពុកឆ្អឹង ព្រោះមានកាល់ស្យូម​ដែលសមស្របសម្រាប់​ស្ត្រីដែលមិនចង់មានជំងឺពុកឆ្អឹង។

៦. ជួយព្យាបាលគ្រុនផ្តាសាយ ព្រោះស្លឹកងប់មានជាតិដែក​ខ្ពស់គ្រប់គ្រាន់ ដើម្បីយកឈ្នះរោគសញ្ញានៃជំងឺដូចជាខ្វះឈាមក្រហម។ វាផ្ទុកសារជាតិមួយដែលមានអត្ថប្រយោជន៍យ៉ាងខ្លាំងសម្រាប់អ្នកជំងឺគ្រុនផ្តាសាយ។

៧. មានសមាសធាតុផ្សំសកម្មចំនួន ៧ ដែលជម្រុញដល់ការផលិតអ័រម៉ូនស្តេរ៉ូអ៊ីតនិងសមាសធាតុ eiksonoid។

៨. ជាប្រភព​នៃវីតាមីនA  និង សារធាតុ Beta-carotene ដែលត្រូវការដើម្បីការពារជំងឺភ្នែក ការរីកលូតលាស់កោសិកា​ ប្រព័ន្ធភាពស៊ាំ សុខភាពបន្តពូជនិងការថែរក្សាស្បែកឱ្យមានសុខភាពល្អ។

៩. កាល់ស្យូមទាបពេក អាចបណ្តាលអោយមានជំងឺលើសឈាម។ ដើម្បីដោះស្រាយបញ្ហានេះ ចូរសាកល្បងពិសារស្លឹកងប់ ដែលល្អគ្រប់គ្រាន់ដើម្បីបង្កើនកម្រិតកាល់ស្យូម។

១០. ស្លឹកងប់ មានសមាសធាតុផ្សំសំខាន់​ដែលរាងកាយត្រូវការក្នុងការផលិតខូឡាជេន នៅ​ក្នុងខ្លួនមនុស្សយើង ហើយវាអាចនាំយកជាតិខ្លាញ់ ​បញ្ជូនអេឡិចត្រុង សុខភាពមាត់ធ្មេញ  គ្រប់គ្រងកម្រិតកូឡេស្តេរ៉ុល ហើយនិងបង្កើន​ប្រព័ន្ធភាពស៊ាំ ព្រមទាំងបង្កើនភាពរឹងប៉ឹងនៃរាងកាយ។

១១. ប្រភព​នៃសារធាតុ chlorophyll ដ៏ច្រើន​ មានសារៈសំខាន់សម្រាប់សុខភាពរបស់រាងកាយ ហើយ chlorophyllនេះឯង  ក៏មានប្រយោជន៍កំចាត់ ពពួកប៉ារ៉ាសិត បាក់តេរី និងវីរុស ដែលមាន​នៅក្នុងជាលិការបស់មនុស្ស។