អត្ថប្រយោជន៍ដ៏អស្ចារ្យនៃផ្លែប័រចំពោះសុខភាពនិងសម្រស់
ផ្លែប័រពោរពេញទៅដោយវីតាមីន C,
E, K, B6
និងជីវជាតិជាច្រើនទៀតជួយឲ្យអ្នកបរិភោគឆាប់ឆ្អែត
ថែមទាំងជួយរក្សាស្ថេរភាពជាតិស្ករក្នុងរាងកាយអ្នកទៀតផង។
លើសពីនេះជាតិខ្លាញ់ វីតាមីន
ជាតិរ៉ែដែលមាននៅក្នុងផ្លែប័រមានសមត្ថភាពក្នុងការជួយសុខភាពស្បែក
និងពង្រឹងប្រព័ន្ធភាពផ្ស៊ាំបានយ៉ាងល្អបំផុត។
- ជំនួយសុខភាពបេះដូង ដោយទទួលទានជាប្រចាំ ជួយឲ្យរាងកាយរក្សាតុល្យភាពកូឡេស្តឺរ៉ុលដែលល្អសម្រាប់សុខភាពបេះដូង។
- ក្នុងផ្លែប័រមានផ្ទុក Lutein និង
Zeaxanthin ជួយប្រឆាំងអុកស៊ីតកម្មដើម្បីការពារភ្នែកពីកាំរស្មី
UV ។
- ផ្លែប័រមានផ្ទុកវីតាមីន K ដែលល្អសម្រាប់សុខភាពឆ្អឹង
- ផ្លែប័រអាចប្រឆាំងនឹងជំងឺមហារីក មាត់ សុដន់
និងបំពង់ក
- Folate មានសារៈសំខាន់ក្នុងការលូតលាស់របស់ទារក។
ការបរិភោគគ្រប់គ្រាន់កាត់បន្ថយហានិភ័យនៃការរលូតកូន
និងភាពមិនប្រក្រតីនៃបំពង់សរសៃប្រសាទ។ អ្នកទទួលទានសារជាតិ Folate
យ៉ាងហោច
៦០០មីក្រូក្រាមជារៀងរាល់ថ្ងៃពេលមានផ្ទៃពោះដើម្បីទារកលូតលាស់បានល្អ។
- ជួយសម្រួលប្រព័ន្ធរំលាយអាហារ ព្រោះមានសារជាតិកាកសរសៃមានដល់ទៅ
១៤ក្រាមក្នុងមួយផ្លែ ដែលជួយសម្រួលដល់ការទល់លាមក
រក្សាសុខភាពផ្លូវរំលាយអាហារ និងកាត់បន្ថយហានិភ័យនៃជំងឺមហារីកពោះវៀនធំ ព្រមទាំងជួយកំចាត់ជាតិពុលបានទៀតផង។
- Saponins ជាសារធាតុមានឥទ្ធិពលវិជ្ជមានទៅលើរោគសញ្ញានៃជំងឺរលាកសន្លាក់ជង្គង់
និងត្រគាក ជួយដោះស្រាយបញ្ហាសន្លាក់។
- ផ្លែប័រ
និងប្រេងផ្លែប័រជួយការពាររាងកាយប្រឆាំងនឹងការឆ្លងមេរោគ Streptococcus
agalactiae និង Staphylococcus។
- ការទទួលទានកាកសរសៃល្អបំផុតអាចកាត់បន្ថយហានិភ័យជំងឺដាច់សរសៃឈាមខួរក្បាល
លើសឈាម ទឹកនោមផ្អែម ធាត់ និងជំងឺក្រពះពោះវៀនមួយចំនួន។
មិនតែប៉ុណ្ណោះវាអាចកាត់បន្ថយសម្ពាធឈាម
និងកម្រិតកូឡេស្តេរ៉ុលធ្វើឲ្យការប្រែប្រួលអាំងស៊ុយលីនប្រសើរឡើង
និងបង្កើនការសម្រកទម្ងន់សម្រាប់អ្នកមានជំងឺធាត់។
អត្ថបទពាក់ព័ន្ធ
អត្ថបទថ្មីៗ
