តើអ្វីទៅជា ជំងឺក្រិនថ្លើម?
កោសិកាថ្លើមដែលក្រិនរឹងនិងមានស្នាមសន្លាកវាបង្ករអោយលំហូរឈាមពិបាកឆ្លងកាត់ថ្លើមហើយខ្សោយ ពេលដែលលំហូរឈាមឆ្លងកាត់ថ្លើមខ្យោយវារិតតែបង្កបញ្ហាអោយកោសិកាថ្លើមបន្តរខូចខាតឬងាប់ និង បាត់បង់មុខងារកាត់តែធ្ងន់ធ្ងរ។
ជំងឺក្រិនថ្លើមចែកចេញជា ២ដំណាក់កាលដូចខាងក្រោម៖
ជំងឺក្រិនថ្លើមដំណាក់កាលស្រាល ឬ ជាភាសាអង់គ្លេសហៅថា Compensated cirrhosis: គឺជាកោសិកាថ្លើមដែលបានខូចខាតប៉ុន្តែអាចនៅបំពេញមុខងារបានភាគច្រើន និង មិនទាន់មានរោគសញ្ញាអ្វីស្តែងចេញអោយដឹងនោះទេ។
ជំងឺក្រិនថ្លើមដំណាក់កាលធ្ងន់ ឬ ជាភាសាអង់គ្លេសហៅថា Decompensated cirrhosis: គឺជាកោសិកាថ្លើមខូចខាតទាំងស្រុងមិនអាចបំពេញមុខងារបានទេឬ អាចនិយាយបានថា ក្រិនថ្លើមដំណាក់កាលចុងក្រោយដែលបង្ករអោយមានផលវិបាកជាច្រើនស្តែងចេញមកជាមួយដូចជា៖ កើនសម្ពាធនៅក្នុងសសៃវ៉ែន( សសៃឈាមខ្មៅសម្រាប់នាំឈាមចូលទៅក្នុងថ្លើម ) បណ្តាលអោយហើមប៉ោងនិងអាចបែកសសៃឈាមនៅបំពង់អាហារ នៅក្នុងក្រពះ, ហូរឈាមផ្នែកក្នុងពោះ និង កើតទាចទឹក(ការប្រមូលផ្តុំទឹកដក់នៅក្នុងស្រោមពោះ ឬ ជាភាសាអង់គ្លេសហៅថា ASCITES ) និងមានផលវិបាកធ្ងន់ជាច្រើនទៀតដូចជា កើនឡើងជាតិពុលច្រើនបុកទៅខួរក្បាលនាំអោយប្រកាច់ ឬ ស្ថានភាពខួរក្បាលមិនល្អ ជាដើម។
ព្យាបាល ៖
ការពិនិត្យព្យាបាលអោយទាន់ពេលវេលាវាគឺមានសារៈសំខាន់បំផុតក្នុងការជួយមិនអោយជំងឺវិវត្តន៍ធ្ងន់ធ្ងរ ។ ការព្យាបាលក្រិនថ្លើមដំណាក់កាលស្រាលអោយបានត្រឹមត្រូវគឺយើងអាចជួយសង្រ្គោះកោសិកាថ្លើម និង មុខងារថ្លើមបានល្អជាងការវិវត្តន៍ទៅជាក្រិនថ្លើមដំណាក់កាលចុងក្រោយដែលអ្វីៗនិងត្រូវហួសពេល មានតែការប្តូរថ្លើមតែមួយមុខប៉ុន្នោះដែលអាចជួយអ្នកជំងឺបាន៕
ប្រភព ៖ https://sokhakrom.com
អត្ថបទពាក់ព័ន្ធ
អត្ថបទថ្មីៗ
